Hardh Fest po vjen unik dhe promovues si gjithmonë. Një nga emrat e shumtë ndërkombëtarë dhe vendorë që këtë vit do të performojnë “Me pamje kah vneshta” në Hardh Fest është superylli i muzikës Progressive House nga Amsterdami, NOUVEABEATS.

I njohur ndërkombëtarisht, NOUVEABEATS, ka performuar në skena të mëdha të muzikës si në Belgjikë, Francë , Spanjë, Angli, Greqi, Suedi, Shtetet e Bashkuara të Amerikës, me yje të njohur si Afrojack, Arty, Bassjackers, Bingo Players, Carnage, Chuckie, Don Diablo, Dubvision, DVBBS, Firebeatz, Hardwell, Helena, Laidback Luke, Nicky Romero,James & Ryan Marciano etj.

Në skenën e madhe n’Konak të “Hardh Fest 2018” do të jetë një nga emrat kryesorë të edicionit XVII të këtij brendi që tashmë është një nga festat më të mëdha dhe më origjinale në vend.

Në ditët në vazhdim “Hardh Fest” do të publikojë edhe emrat e artistëve të tjerë ndërkombëtarë dhe vendorë dhe lista është e gjatë e me emra të cilët kanë lënë gjurmë në industrinë e muzikës dhe krejt këtë magji do të mund ta përjetoni të gjithë, pasi që të gjitha Koncertet janë Gratis, pa pagesë për hyrje.

Këtë vitë, datat 7, 8 dhe 9 shtator janë të rezervuara për Hardh Fest 2018. Hardh Fest 2018 organizohet nën patronatin e kryetarit të komunës Smajl Latifi si dhe partner i festivalit është Stone Castle.

Një gotë verë, shijon më shumë …Me Pamje Kah Vneshta !