Sot ishte paraparë që Komisioni parlamentar për Zhvillim Ekonomik, Infrastrukturë, Tregti, Industri dhe Zhvillim Rajonal të mbante mbledhje. Në rend dite ishte planifikuar prezantimi nga Zyra e Rregullatorit të Energjisë (ZRrE) i Parametrave Rregullativë, me anën e të cilave caktohen të hyrat dhe tarifat e operatorëve dhe tarifat përfundimtare të konsumatorëve.
Mirëpo kjo mbledhje dështoi në mungesë kourumi.
Dardan Sejdiu, nga Grupi i Deputetëve të Pavarur, tha se mbledhja e radhës do të mbahet të enjten në ora 10:00, raporton Ekonomia Online.