Ministri i Financave Avdullah Hoti vizitoi Doganën e Kosovës ku u prit nga ushtruesi i detyrës së drejtori të përgjithshëm Fahri Gashi dhe menaxhmenti i lartë i Doganës se Kosovës.

Ministri Hoti edhe gjatë kësaj vizite shprehi përkrahjen për punonjësit e doganës dhe i falënderoi ata për rezultatet e arritura, kjo përkrahje nuk do të mungojë asnjëherë ku bëhet fjalë për ruajtjen e integritetit të oficerëve doganorë dhe stafit udhëheqës të saj. Ndërsa për zgjedhjen e drejtorit tha se çdo gjë do të shkojë sipas ligjeve në fuqi.

Nga ana tjetër U.D. i drejtori të Përgjithshëm  Fahri Gashi theksoi se “Dogana do të vazhdojë me performancë të lartë dhe me zbatimin e detyrave të saj, dogana gjithmonë ka qenë një organizatë kredibile dhe e aftë për të përmbushur obligimet ligjore”.