Guvernatori i BQK-së njofton ambasadoren e Finlandës në Kosovë me zhvillimet në sektorin bankar

Prishtinë | 10 Gus 2018 | 12:11 | Nga Ekonomia Online

Guvernatori i Bankës Qendrore të Republikës së Kosovës, Fehmi Mehmeti, ka pritur në takim ambasadoren e Finlandës në Kosovë, Pia Stjernvall.

Guvernatori Mehmeti e ka njoftuar ambasadoren me zhvillimet e fundit në sektorin financiar, me theks të veçantë në sektorin bankar.

“Sektori bankar vazhdon të ketë performancë të mirë dhe shkallë të lartë të qëndrueshmërisë. Këto

zhvillime pozitive po ndikojnë edhe në rritjen e aktivitetit të tyre në mbështetje të zhvillimit ekonomik”, ka deklaruar Guvernatori Mehmeti.

Ai ka falënderuar ambasadoren dhe shtetin e Finlandës për mbështetjen dhe bashkëpunimin e deritashëm me Bankën Qendrore të Republikës së Kosovës, duke shprehur gatishmërinë për thellimin e bashkëpunimit.

Nga ana tjetër, ambasadorja e Finlandës, Pia Stjernvall ka shprehur kënaqësinë me zhvillimet në sektorin financiar, duke shprehur gatishmërinë që bashkëpunimi me BQK-në të vazhdojë edhe më tutje.

Fjalë Kryesore:

Të ngjashme