12 vendet më miqësore me startup-et

Prishtinë | 10 Gus 2018 | 12:15 | Nga Ekonomia Online

Ka shumë faktorë që përcaktojnë se çfarë e bën një vend të mirë për krijimin e startup-eve.

E keni menduar të lëvizni në një vend tjetër dhe doni të dini nëse ekziston një vend i posaçëm për një kompani startup? A po planifikoni të nisni një startup dhe thjesht doni të dini se ku mund të shkoni për të realizuar më të mirën? Ose ndoshta jeni vetëm kurioz për këtë gjë. Ka shumë faktorë që përcaktojnë se çfarë e bën një vend të mirë për fillimin e një startup-i dhe në fund të këtij artikulli, do të njihni së paku 12 vende që janë pro bizneseve të reja.

U.S. News nxjerr renditjen e vendeve më të mira.

U.S. News nxjerr renditjen e “Vendeve më të Mira” dhe është themeluar në partneritet me një firmë strategjike, BAV, e cila i takon kompanisë globale të marketingut Y & R; dhe Shkollës Wharton të Universitetit të Pensilvanisë. Renditja bazohet në një anketë që pyeti mbi 21,000 njerëz globalisht nga katër rajone për të vlerësuar se si 80 vende të ndryshme perceptohen në 75 metrika unike. Lidhur me kriteret që duhet të ketë një vend për të qenë ideal për të nisur një biznes për vitin 2018 përfshijnë përballueshmërinë, burokracinë, koston e prodhimit, lidhjet me pjesën tjetër të botës dhe sa lehtë arrihet kapitali. Rezultatet janë si më poshtë:

Tajlanda

Në Tajlandë nevojiten rreth 5 ditë për të nisur një biznes dhe dendësia e bizneseve të reja është aq e ulët saqë ka hapësirë për më shumë.

Malajzia

Malajzia po fillon një proces që zgjat rreth 19 ditë dhe pothuajse 50,000 kompani të reja me përgjegjësi të kufizuar shfrytëzuan faktin se shumica e dokumenteve mund të bëhen në internet.

Meksika

Meksika ka një proces për nisjen e startup-eve që zgjat rreth 8 ditë dhe ka shumë reforma për regjistrimin e biznesit aq sa “çoi në një rritje të numrit të bizneseve të regjistruara në përgjithësi”.

Indonezia

Indonezia do të lejojë lançimin e një biznesi që zgjat rreth 23 ditë dhe qeveria sponsorizon “Programin për Asistencë të Ndërmarrjeve të Vogla dhe të Mesme” në Indonezinë Lindore.

Singapori

Singapori: ky vend u kushton vëmendje të veçantë investitorëve dhe duhet tre ditë për të nisur një biznes.

CNN Money ka një tjetër përzgjedhje, dhe top 4 vendet e tyre janë Zelanda e Re, Shtetet e Bashkuara, Kanadaja dhe Australia.

Këto vende vendosin relativisht pak pengesa në rrugën e pronarëve të biznesit

Në çdo vend, zgjat 2 deri në 5 ditë për të filluar një biznes dhe kërkon 5 ose më pak hapa për ta bërë këtë. “Gjithashtu vendosin norma relativisht të ulëta tatimore. Shkalla e taksave është e rëndësishme sepse “ndihmon lançuesit e biznesit – miqtë, të afërmit dhe investitorët ëngjëj që i mbështesin ata – të grumbullojnë kursime për paratë e nisjes.”

Afrika

Ju mund të mos keni dëgjuar për këtë vend, por Mauritius renditet gjithashtu shumë lart kur bie fjala për startup-et në Afrikë. Banka Botërore thotë se shumë reforma janë miratuar kohët e fundit, duke marrë 6 ditë për të filluar një biznes dhe tani përjashtohen tarifat e tregtisë për liçencat dhe është bërë futja e certifikatës elektronike.

Mbani sytë drejt Suedisë dhe Portugalisë

Sa i përket Europës, ka të paktën dy vende që meritojnë interesin tuaj – Suedia dhe Portugalia. Ndoshta nuk janë vendet më të mira për të nisur një kompani tani, por pa dyshim janë duke synuar në mënyrë aktive për ta ndryshuar këtë gjë.

Profesionistët në Suedi, e dinë se çfarë hapash duhet të merren dhe janë përpjekur për t’i arritur ato. Në Qershor të vitit 2016, Kryeministri i Portugalisë njoftoi se “qeveria e tij synon ta bëjë Portugalinë vendin më miqësor në Europë për startup-et” duke vlerësuar sipërmarrjen dhe duke theksuar rëndësinë e bizneseve të reja në ekonomi.

“Internet of Things” me bazë në Berlin

Por ka gjithashtu diçka interesante që po ndodh në Europë: ekziston një kompani me bazë në Berlin për ‘Internet of Things’ që dëshiron të ndihmojë startup-et e IoT të jenë më të mirët. ‘Next Big Thing’ drejton startup-et IoT që kanë nevojë për të, duke ofruar qasje në një platformë investitorësh, partnerë të mundshëm, startup-e të tjera, inxhinierë dhe mbështetës të teknologjisë.

Harald Zapp, drejtor ekzekutiv i NBT, thotë: “Vizioni ynë është të mundësojmë inovacionin dhe sipërmarrjen në Europë. Ne e bëjmë këtë duke ofruar gjithçka nga ekspertiza e biznesit te kompetenca jonë teknologjike për sipërmarrësit dhe partnerët e industrisë me të cilët punojmë. IoT dhe blockchain kanë potencialin për të përmirësuar botën tonë në një mënyrë vërtetë fenomenale”.

Fuqia e biznesit të suksesshëm qëndron tek idetë

NBT e di se fuqia e bizneseve të suksesshme qëndron në idetë. Ata drejtojnë ndërmarrjet me një “model unik” dhe një botëkuptim që bota e biznesit mund ta ketë të vështirë për ta lundruar. Ata madje ofrojnë një qendër pune për ata që kanë nevojë për një nxitje shtesë.

NBT thekson se “në vitet e fundit, kompanitë e mëdha kanë filluar të shikojnë jashtë departamenteve të tyre të inovacionit, në më shumë krijim të jashtëm, të lirë, të cilët nuk kanë struktura korporative të përcaktuara ngurtësisht, as praktika që shumë shpesh mbytin kreativitetin dhe inovacionin.” Startup-et janë tepër të rëndësishme për botën e biznesit – jo vetëm që ndihmojnë në nxitjen e ekonomisë, por gjithashtu ndihmojnë në nxitjen dhe ushqyerjen e ideve të dobishme që përndryshe nuk do të kishin mundësi të përparonin në një mjedis korporativ.

Organizatat e mëdha kanë filluar të shikojnë jashtë korporatës së tyre

Një nga këto ide është IoT, prandaj NBT fokusohet në të. Ata vunë re se “organizatat e mëdha kanë filluar të shikojnë jashtë strukturave të tyre për inovacionin dixhital. Ata ende shohin se shumë organizata nuk duan të njohin domosdoshmërinë e kësaj qasjeje krejtësisht të re dhe unike për hulumtimin dhe zhvillimin e IoT.” IoT është mjaft e shtrenjtë, prandaj zhvilluesit kanë nevojë për udhëzime, por në fund të fundit ata presin që ajo të bëhet shumë më popullore në mbarë botën. (Business Magazine Albania)

Fjalë Kryesore:

Të ngjashme