Mos e nënvlerësoni rëndësinë e përshtypjes së parë

Prishtinë | 10 Tet 2017 | 23:00 | Nga Ekonomia Online

Është shumë e vështirë të japësh paraqitje aq të mirë që ta kapërcejë përshtypjen e parë të gabuar.

Ju më në fund caktuat takimin me klientin tuaj të ëndrrave. Ju keni përgatitur prezantimin tuaj dhe jeni gati të hyni.

Por ju do t’a prishni të gjithën pa e ditur se po jepni përshtypje të parë të gabuar. Sipas rregullave të Dr.Albert Mehrabian 7%-38%-55%, vetëm 7 përqind e komunikimit tuaj është ajo që thoni, përderisa 38 përqind është se si tingëlloni dhe 55 përqindëshi është vizual.

Klienti juaj fillon të formojë opinionin e saj ose të tij para se ju të filloni prezantimin tuaj. Ja se si mund të jepni përshtypje të parë të mirë.

Përdorni etikë profesionale në telefon

Kur flisni me një caktues takimesh ose sekretaren e klientëve potencialë, filloni bisedën tuaj të parë në mënyrë profesionale dhe të sjellshme. Gjithmonë përdorni emrin e personit në biseda dhe mos harroni fjalët magjike, ‘’ju lutem’’ dhe ‘’faleminderit’’.

Vishuni për sukses

Për arsye se shumë nga përshtypja juaj është vizuale, veshja ka rëndësi. Vishuni në mënyrë profesionale, por mos provoni të jepni përshtypje të madhe. Zbuloni kodin e veshjes të kompanisë para kohës dhe vishuni në atë mënyrë. Kushtojuni vëmendje detajeve: lustroni këpucët, mbani një çantë të mirë laptopi dhe fikni telefonin tuaj para se të hyni në ndërtesë. Intervista fillon në momentin që ju hyni në parking, gjeni dhomën e takimit, dhe shkoni në banjë për të kontrolluar dukjen tuaj për herë të fundit.

Largojeni telefonin tuaj

Kur uleni në dhomën e pritjes rezistoni dëshirës për të kontrolluar mesazhet ose për të kthyer thirrjet telefonike. Përdorni këtë kohë për të treguar sjellje të mira ndaj recepsionistit dhe të tjerëve në zonën e pritjes. Bëni një bisedë të shkurtër, por mos flisni shumë. Nëse ju ofrohet një pije, pranojeni atë, edhe nëse nuk jeni të etur.

Konsiderohet e pasjellshme mospranimi i mikpritjes kur ofrohet. Kontrolloni përreth dhe shikoni dinamikat e zyrës. Kërkoni artikuj, çmime ose gjëra të tjera të cilat mund t’i mbani në kujtesën tuaj për biseda të ardhshme.

Ofroni një shtrëngim duarsh të sigurt

Shtrëngoni duart me kandidatin sapo ai të hyjë në dhomë. Duke qëndruar në këmbë tregon respekt për personin tjetër. Gjithmonë prisni të shihni se a ju tregon klienti ku të uleni në vend se të zgjidhni një ulëse vetë. Nëse nuk ju tregojnë se ku të uleni, thjesht thuani, ‘’ku do të dëshironit të ulesha’’? Mos mbani telefonin tuaj në tavolinë, sepse mund të duket se po prisni një thirrje më të rëndësishme.

Shikoni gjuhën e trupit.

Qëndroni drejtë dhe mos rrini shtrembër ose të nervozuar. Mos kafshoni thonjtë ose të luani me laps. Mbani kontakt të mirë të syve dhe kushtoni vëmendje sjelljeve tuaja profesioniste.

Përgatisni shënimet e juaja të hapjes por dëgjoni më shumë se të flisni

Bëni një bisedë të vogël para se të flisni për biznes. Bëni punë përgatitore dhe zbuloni gjëra për personin para takimit. Përgatisni një temë e cila lidhet me diçka të përbashkët në mes juve.

Mos flisni gjatë gjithë kohës. Angazhohuni me klientin me pyetje të përshtatshme të cilat mund t’i ndihmojnë atij të mendojë situatën në një mënyrë të re. Lejoni që klienti të përgjigjet para se të vazhdoni dhe të mbani shënime për shqetësimet e tij. Konsiderojeni veten si këshillues në vend të një shitësi dhe mund t‘a shihni takimin nga një pikëpamje tjetër.

Filloni në kohë dhe përfundojeni herët

Respektoni kohën për të cilën jeni pajtuar, dhe largohuni disa minuta më herët, nëse është e mundur. Përgjigjuni pyetjeve dhe vazhdoni me ‘’veprimin e radhës’’. Menjëherë dërgoni një email dhe falenderoni klientin për kohën e tij.

Profesori i Harvard Business School Amy Cuddy shkruan në librin e saj Presence se njerëzit u përgjigjen shpejt dy pyetjeve kur ju takojnë së pari:

Në realitet, Cuddy thotë, besueshmëria dhe ngrohtësia janë faktorët më të rëndësishëm në atë se si njerëzit ju vlerësojnë. Paraqitja e fuqive tua mund të dështojë. Vetëm pasi të keni krijuar besim fuqia përforcon pozitën tuaj.

Kaloni kohë për të lënë përshtypje të parë të mirë dhe ju jeni në rrugë për të pasur dy këmbët në derë.

Fjalë Kryesore:

Të ngjashme