Kosovës dhe Shqipërisë u kërkohen masa ndaj Serbisë për linjën energjetike 400 kilovolt

Prishtinë | 09 Jan 2018 | 08:28 | Nga

Konfederata e Industrive e Shqipërisë (Konfindustria) ka shprehur shqetësimin për vazhdimësinë e bllokadës nga Serbia të linjës energjetike 400 kilovolt në mes Kosovës dhe Shqipërisë.

Konfindustria në një komunikatë për media ka theksuar se ky veprim është duke i dhënë natyrë të qartë një lufte të pandershme tregtare dhe ekonomike, shkruan sot “Koha Ditore”.

“Qeveritë e Shqipërisë dhe Kosovës duhet të shqyrtojnë me shpejtësi marrjen e masave kundërvepruese ndaj Serbisë lidhur me çështjen e mësipërme”, thuhet në komunikatën e saj.

Serbia vazhdon të mos e zbatojë marrëveshjen e arritur me palën kosovare për energji, që nga dhjetori i 2013-s. Shkaku i kësaj bllokade, Kosova humb brenda një viti mes 3 dhe 5 milionë euro, ndërkaq nga mosfunksionimi i linjës 400-kilovoltëshe me Shqipërinë, deri më tani, humbjet kanë arritur në 1 milion euro.

Fjalë Kryesore:

Të ngjashme