Pavarësisht rënies së të hyrave që kanë pësuar kompanitë e telefonive mobile që veprojnë në Kosovë, Autoriteti Rregullativ i Komunikimeve Elektronike dhe Postare (ARKEP) ka treguar të kundërtën e përdoruesve të telefonisë mobile.

Sipas ARKEP-it, numri total i përdoruesve të telefonisë mobile në fund të tremujorit të dytë (TM2-2016) ka arritur në 1 762 611, përkatësisht për 7.87 % më shumë krahasuar me periudhën e njëjtë të vitit të kaluar (TM2-2015), shkruan Epoka e Re.

Ndërsa krahasuar me tremujorin paraprak TM1-2016, numri i përdoruesve ka ngritje prej 0.51 % (ose 9 015 përdorues).