Që nga dhjetori i vitit të kaluar ndërmarrjet më të mëdha publike, Telekomi i Kosovës dhe Korporata Energjetike e Kosovës, vazhdojnë të operojnë pa borde të drejtorëve, shkruan sot Koha Ditore.

Edhe pse Qeveria Mustafa kishte shpallur konkursin në shkurt të këtij viti për 6 pozita për Bord Drejtues të PTK-së, si dhe 6 të tjera për Bord Drejtues të KEK-ut, dhe në maj kishte përfunduar me intervistim të tyre, ajo nuk e kishte bërë emërimin e të përzgjedhurve.

Zyrtarë të Qeverisë nuk kanë treguar arsyet e zvarritjes së këtij procesi, duke thënë se për këtë duhet pyetur kabinetin e kaluar.