Gorani: Shteti po e lufton VV-në, po i vret aktivistët e saj

Prishtinë | 10 Nën 2016 | 21:00 | Nga

Anëtari i Lëvizjes Vetëvendosje, Dukagjin Gorani, në intervistën për emisionin InfoBox në RTV Dukagjini, thotë se po të mos ishte Astrit Dehari i burgosur, ai sot do të ishte i gjallë. Gorani akuzon direkt shtetin, për vrasjen e aktivistit të Vetëvendosjes.

“Ajo çka ne dimë është që po të mos kishte qenë Astriti në burg, ai kishte me qenë i gjallë. Fakti që ka qenë i burgosur tregon që është shkaku kryesor i vrasjes së tij. Mendoj që në vrasjen e Astritit merr pjesë komplet estabilishmenti shtetëror. Unë mendoj që nëse nuk është kryesi i drejtpërdrejtë i veprës, shteti mban përgjegjësinë kryesore për këdo që e ka kryer atë vepër”, tha ai.

Gorani shprehet se nuk pret që të zbardhet e vërteta për vrasjen e Deharit, duke shtuar se autoritetet vendore nuk kanë vullnet të marrin masa ndaj zinxhirit të zyrtarëve përgjegjës.

Anëtari i VV-së thotë madje se ndaj kësaj lëvizjeje po bëhet një luftë që shkon deri në eliminimin fizik të anëtarëve të këtij subjekti.

“Lëvizja Vetëvendosje dhe unë personalisht e rezervojmë të drejtën e besojmë pambarimisht që kjo është një luftë kundër LVV-së – deri në vrasje të aktivistëve”, thotë ai.

Gorani për disa vite ka qenë këshilltar i Hashim Thaçit, kur ky ishte kryeministër.

Fjalë Kryesore:

Të ngjashme