Cristiano Ronaldo do të bëhet sërish baba, po pret binjakë

Prishtinë | 12 Mar 2017 | 13:10 | Nga

Cristiano Ronaldo do të bëhet shumë shpejt sërish baba, dhe atë i binjakëve.

Raportimi shokues vjen nga tabolidi anglez, the Sun, që citon burime familjare të portugezit, të cilët thonë se superylli po pret binjakë shumë shpejt.

Binjakët që janë të gjinisë mashkullore Ronaldo i ka nga një femër e panjohur në SHBA me të cilën portugezi ka kryer marrëdhënie kohë më parë gjatë një vizite atje.

Binjakët pritet që të shkojnë në Madrid shumë shpejt dhe ku ata do të kujdesen nga Ronaldo dhe nëna e tij Dolores.

Kjo ngjarje pasqyron faktin se si në jetë erdhi edhe Cristiano Junior, djali i cili erdhi në jetë nga një femër të cilën Ronaldo e pagoi plot 10 milionë funte vetëm që të mos dalë në publik.

Të njëjtën gjë Cristiano pritet të bëjë edhe me nënën e binjakëve, e cila do të paguhet vetëm që të mos dalë në publik.

Ende ky lajm nuk është konfirmuar nga vet Ronaldo apo ndonjë agjenci lajmesh në Spanjë ose Portugali.

“Cristiano dhe familja e tij nuk mund të presin arritjen e antarëve të rinj të familjes. Atij i pëlqen që të mbajë të fshehtë jetën private, por u ka thënë më të dashurve nga familja dhe miqve të afërt se binjakët do të arrijnë shumë shpejt”, u shpreh një burim për The Sun.

Ronaldo aktualisht del shpesh me djalin e tij Cristiano Junior nëpër rrjetet e tij sociale shumë të popullarizuara dhe nuk bën të befasohemi nëse kjo ndodh edhe me binjakët.

Momentalisht Ronaldo po shijon lidhjen me modelen Georgina Rodriguez.

Fjalë Kryesore:

Të ngjashme