Fergie ka publikuar të enjten këngën e saj të re “Enchante” (E magjepsur), një këngë në bashkëpunim me djalin e saj 4-vjeçar Axl Jack.

Por përveçse është vetë në video, 42-vjeçarja Fergie i ka besuar modele dhe yllit të reality Kendall Jenner.

“Enchante” vjen nga albumi i dytë solo i Fergie, “Double Dutchess”. Video e këngës nis me zërin e vogëlushit Axl që këndon dhe Kendall në shtrat që zgjohet nga gjumi para se të bëhet gati për ditën që e pret.

Në fakt, ky nuk është bashkëpunimi i parë i Fergie me motrat Kardashian. Kim u shfaq në videon muzikore të vitit të kaluar të këngës “MILF$”.