Ibrahimoviç vendos përfundimisht për të ardhmen

Prishtinë | 10 Pri 2017 | 14:50 | Nga

Zlatan Ibrahimoviç duket se e ka vendosur ku do të luajë sezonin e ardhshëm, teksa “tuttomercatoweb” raporton sot se rinovimi me Manchester United është shumë pranë.

Për suedezin po këmbëngul LA Galaxy, që e do në ekip dhe Mino Raiola para pak kohësh ishte në SHBA për të biseduar me klubin amerikan në lidhje me një marrëveshje të mundshme për sezonin e ardhshëm.

Por, nga ajo që shkruan sajti italian, rinovimi Ibrës me anglezët pritet të mbyllet në harkun kohor të dy javëve. Sulmuesi 35-vjeçar nënshkroi vjet një kontratë 1+1 me United dhe tanimë duhet të vendosë nëse duhet ta vijojë bashkëpunimin.

Tekniku Mourinho është shprehur më parë në media se do të ishte i kënaqur nëse sulmuesi do të qëndronte në ekipin e tij, por edhe nëse do të ikte për një aventurë të re, do e mirëkuptonte atë, pasi sipas tij më e rëndësishme është që Ibra të jetë i kënaqur, ashtu si familja e tij.

Fjalë Kryesore:

Të ngjashme