Xhinxheri një qetësues i fuqishëm natyror

Prishtinë | 15 Maj 2023 | 20:59 | Nga Ekonomia Online

Xhinxheri është një erëz e përdorur gjerësisht në kuzhinë dhe në mjekësinë tradicionale.

Plot me kalium dhe mangan, xhinxheri është përbërës që duhet t’i kushtoni vëmendje, në qoftë se doni të jeni të shëndetshëm.

Krahas zemrës, xhinxheri është i shkëlqyer për forcimin e sistemit imunitar dhe për shkak të përmbajtjes së tij mund të mbrojë lëkurën, flokët, dhëmbët dhe thonjtë.

Është i pasur me vitaminat  A, C, E, B dhe minerale të tjera si magnez, fosfor, hekur, zink, kalcium dhe beta karotën.

Për të marrë maksimumin nga xhinxheri, ju mund të mësoni nga receta e mëposhtme sesi të përgatisni ujin me xhinxher që do të kurojë dhimbjen tuaj të kokës, problemet me zemrën dhe dhimbjet e muskujve.

Përbërësit:

  • 1-2  rrënjë të freskëta xhinxher
  • 3 gota ujë
  • Gjysmë limoni
  • Mjaltë të papërpunuar

Përgatitja:

Grijeni xhinxherin imët. Hidhni 2-3 gota me ujë dhe lëngun e shtrydhur të limonit. Së fundi, shtoni mjaltin. Mund ta konsumoni atë në baza ditore.

Fjalë Kryesore:

Të ngjashme