Ahmetaj lanson planifikimin e fondeve të BE-së në vlerë prej 250 mln €

Prishtinë | 08 Mar 2017 | 17:21 | Nga

Ministrja e Integrimit Evropian znj. Mimoza Ahmetaj hapi sot takimin koordinues me institucionet e Republikes së Kosovës për planifikimin e IPA-së për periudhën 2018-2020, në vlerë prej afro 250 milionë euro.

Ministrja Ahmetaj theksoi se : “Pikënisja jonë për programimin shumëvjeçar IPA 2018-2020 do të jetë korniza e konsoliduar planifikuese e Qeverisë, e bazuar në prioritetet që dalin nga Strategjia Kombëtare për Zhvillim, Programi për Reforma Ekonomike, Plani Kombëtar për Zbatimin e MSA-së si dhe strategjitë sektoriale. MIE do të siguroj gjatë muajve në vijim që asistenca gjeneroze që është ofruar nga BE-ja të përmbush dy objektiva kryesore: (1) zbatimin e obligimeve në kuadër të MSA-së; dhe (2) përmirësimin e mirëqenies ekonomike dhe sociale të qytetarëve.“

Sektorët që përfshihen në IPA për këtë periudhë programuese do të jenë:
-Sundimi i ligjit;
-Bujqësia;
-Energjia;
-Konkurrueshmëria dhe inovacioni;
-Edukimi, punësimi dhe politikat sociale; dhe
-Mjedisi.

Vlera e fondeve të BE-së për tërë periudhën 2014 – 2020 për Kosovën kapë vlerën prej 645 milionë euro, dhe tashmë është kryer programimi i IPA 2014, 2015 dhe 2016, ndërsa është në finalizim edhe IPA 2017.

Fjalë Kryesore:

Të ngjashme