Bajrami: Kelmendi dha kontribut të madh në përgatitjen e gazetarëve të rinj

Prishtinë | 12 Jan 2017 | 09:38 | Nga

Ministri i Arsimit, Shkencës dhe Teknologjisë, Arsim Bajrami, i ka dërguar telegram ngushëllimi familjes Kelmendi për vdekjen e profesorit, Ramiz Kelmendi.

Në telegram ngushëllimi thuhet se vepra jetësore e Kelmendit bënë të pazëvendësueshme figurën e tij. Ai dha kontribut të madh në edukimin e gazetarëve të rinj.

“Me dhimbje të thellë morëm lajmin për ndarjen nga jeta të më të dashurit tuaj, Ramiz Kelmendi. Profesor Kelmendi ishte një atdhetar, shkrimtar dhe gazetar i shquar i Kosovës, por mbi të gjitha ishte mësimdhënës i dalluar”.

“Ai dha kontribut të madh sidomos në përgatitjen e gazetarëve të rinj, duke shënuar kështu edhe një etapë të re të arsimit: fillimin e arsimit të lartë privat”, thuhet në telegram ngushëllimi.

“E gjithë vepra e tij jetësore dhe vlerat e larta njerëzore e bëjnë madhështore dhe të pazëvendësueshme figurën e profesor Ramiz Kelmendit. Ju lutem që në emër të Ministrisë së Arsimit, të Shkencës dhe Teknologjisë dhe në emër timin, t’i pranoni ngushëllimet më të sinqerta”, thuhet në telegram.

Fjalë Kryesore:

Të ngjashme