Dita kundër Diskriminimit shënohet me aktivitete sportive

Prishtinë | 07 Tet 2017 | 11:33 | Nga Valbona Bytyqi Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

“Sporti është një urë në mes nesh” është slogani që i ka bashkuar fëmijët e komuniteteve të ndryshme nga gjithë vendi.

Rreth 160 fëmijë dhe 50 vullnetarë nga radhët e komuniteteve të ndryshme kanë marr pjesë në një ngjarje sportive nën organizimin e OJQ-së PLAY International, me mbështetjen e Misionit të OSBE-së në Kosovë dhe Fondacionit Rockefeller Brothers.

Ky aktivitet është organizuar në shënim të ditës kundër diskriminimit, raporton Ekonomia Online.

Qëllimi i kësaj organizate është përdorimi i lojërave sportive si mjet për edukimin dhe fuqizimin e brezave të rinj në Kosovë.

Fëmijët të cilën morën pjesë në këtë aktivitet u shprehën mjaft të lumtur si dhe thanë se kanë arritur që të bëjnë shumë shokë të rinj nga të gjitha komunitetet pjesëmarrëse.

Ana Larderet, kryesuese e misionit të Play Intetnacional, tha se shpreson që të ketë sa më shumë tolerancë dhe respekt ndërmjet komuniteteve.

Ndërsa ambasadori i OSCE-së, Jan Braathu në Kosovë, tha se është mjaft i lumtur që merr pjesë në këtë aktivitet duke lavdëruar kështu punën e Play Internacional.

Në hapjen e këtij aktiviteti mori pjesë edhe drejtor i rinisë në MKRS, Xhevat Bajrami, raporton EO.

Bajrami tha se ky aktivitet është mjaft i rëndësishëm dhe shpreson që fëmijët të kalojnë sa më mirë dhe në këtë mënyrë të festojnë ditën kundër diskriminimit.

 

 

Të ngjashme