Këshilli Qendror i Veprimit Rinor të Kosovës në bashkëpunim me Advocacy Center For Democratic Culture, e cila mbështetet nga USAID-i gjatë këtij muaji kanë organizuar proceset zgjedhore për themelimin e Këshillave të Veprimit Rinor Lokal në katër komuna me shumicë serbe të Republikës së Kosovës.
Në frymën e bashkëpunimit dhe ngritjes së përfaqësimit të të rinjve pranë organeve komunale janë themeluar këshillat e veprimit rinor lokal në katër komuna në pjesën veriore të Kosovës: Zveçan, Zubin Potok, Leposaviç dhe Mitrovicën veriore.
Gjatë gjithë këtij procesi Vesa Ibrahimi, kryetare e Këshillit qendror të veprimit rinor të Kosovës ka marr pjesë ku edhe ka ofruar ndihmën për të rinjtë e veriut për themelimin e këshillave dhe procedurave për regjistrim.
Gjithashtu kryetarja Ibrahimi ka shprehur gatishmërinë e plotë të saj dhe të KQVR-së për t’i mbështetur këta të rinj në hartimin e strategjive lokale për rini dhe përgatitjen e dokumentacioneve për certifikim.