Punët ndërtimore në urën e Mitrovicës fillojnë sot

Prishtinë | 14 Gus 2016 | 09:50 | Nga

Pas marrëveshjes së kohëve të fundit ndërmjet ministres për Dialog, Edita Tahiri dhe kryenegociatorit të Qeverisë së Serbisë, Marko Djuriq, implementimi i marrëveshjes nga Dialogu Beograd-Prishtinë lidhur me urën në Mitrovicë do të fillojë sot, më 14 gusht 2016, njofton Zyra e Bashkimit Evropian në Kosovë.

Puna ndërtimore në urë do të fillojë sot në mëngjes në orën 10:00 duke iu qasur vend punimit përmes rrugës në pjesën jugore.

Sipas BE_së, rivitalizimi i urës, investim ky në vlerë mbi 1.2 milion euro dhe i financuar nga Bashkimi Evropian, do të kontribuojë në mënyrë të konsiderueshme në lehtësimin e kontakteve ndërmjet njerëzve nga Mitrovica e Veriut, Mitrovica e Jugut dhe më tej. Me fillimin e implementimit të kësaj marrëveshjeje, Ura e Mitrovicës do të bëhet simbol i normalizimit të marrëdhënieve ndërmjet komuniteteve në Kosovë.

Ura e Mitrovicës pritet të hapet për këmbësorë dhe për automjete në të dyja drejtimet sipas rekomandimeve nga vlerësimi teknik dhe dizajni arkitekturor për të cilin janë dakorduar të dyja palët në qershor 2015.

Bashkë me të dy kryetarët e komunave, një grup punues do të monitorojë dhe shqyrtojë rregullisht kushtet mbizotëruese politike dhe të sigurisë në ato komuna gjatë dhe pas procesit të rivitalizimit.

Policia e Kosovës, EULEX-i dhe KFOR-i, thuhet se do të sigurojnë mjedis të qetë dhe të sigurt në pajtueshmëri me mandatet e tyre përkatëse.

Fjalë Kryesore:

Të ngjashme