Sot përfundon masa e paraburgimit për Albin Kurtin dhe Donika Kadaj-Bujupin

Prishtinë | 27 Dhj 2017 | 09:00 | Nga

Gjatë ditës së sotme pritet të përfundojë masa e caktuar e paraburgimit për deputetët e Kuvendit të Kosovës nga radhët e Lëvizjes Vetëvendosje, Albin Kurti dhe Donika Kadaj-Bujupit.

Aavokati i Kadaj-Bujupit, Arim Salihu i cili ka thënë se sot edhe pritet të vendoset nëse prokuroria e shtetit do kërkojë zgjatjen e paraburgimit apo jo.

Nëse bëhet një kërkesë e tillë, pritet që Gjykata Themelore ta shqyrtojë atë më 29 dhjetor, kur edhe pritet të mbahet seanca e tyre gjyqësore.

Megjithatë, vet avokati i Kadaj-Bujupit është i bindur se në këtë seancë gjyqësore klientja e tij por edhe Albin Kurti do të lirohen, shkruan Indeksonline.

“Prokuroria mund të propozojë vazhdimin sepse ne kemi seancën e fundit më datën 29 dhjetor, pra kur edhe është fjala përfundimtare. Unë mendoj se edhe nëse kërkohet vazhdimi i paraburgimit nga prokuroria, ata do të lirohen më 29 dhjetor. Besoj 100 për qind”, ka thënë ai.

Fjalë Kryesore:

Të ngjashme