Do të hapet diskutim publik për demarkacionin

Prishtinë | 15 Maj 2017 | 09:12 | Nga

Komisioni i ekspertëve për matjen e territorit të Kosovës së shpejti do t’i ofrojë opinionit për diskutim publik gjithë dokumentacionin dhe gjetjet profesionale, shkencore e menaxheriale që lidhen me madhësinë territoriale të Kosovës.

Kështu ka njoftuar gjeografi Tomor Qela, zëdhënës i Komisionit, që ka thënë se ky diskutim do të zgjasë katër ditë dhe se aty mund të hyjnë të gjithë ata që duan të marrin informata.

Në Interaktiv të KTV-së, Qela ka thënë se në diskutimin që do të nisë të martën, më 21 shkurt, do të jenë të pranishëm të gjithë ekspertët që do të shpalosin të gjeturat e tyre.

“Ne raportin e dorëzojmë në Qeveri me të gjitha të gjeturat, por kemi paraparë që të hapim një diskutim publiku ku do të jenë të gjithë ekspertët të pranishëm dhe do të sqarojmë të gjitha të gjeturat për secilin qytetar, studiues dhe institucion që është i interesuar të marrë informata nga komisioni”, ka thënë ai.

Qela ka sqaruar se në komision ka marrë disa të gjetura nga ekspertët dhe ka dalë për t’i verifikuar ato lidhur me mbulueshmërinë e territorit.

Ratifikimi i kësaj Marrëveshjeje mbetet çështja kryesore për fillimin e zbatimit të liberalizimit të vizave për Kosovën.

Komisionari për Politikë Evropiane të Fqinjësisë dhe Negociata për Zgjerim, Johannes Hahn, pas një takimi që ka zhvilluar gjatë kësaj jave me krerët e partive në pushtet dhe atyre në opozitë, ka deklaruar se pa zgjidhjen e çështjes së demarkacionit kufitar me Malin e Zi, nuk do të ketë liberalizim të vizave për qytetarët e Kosovës.

Fjalë Kryesore:

Të ngjashme