Deputetët e Kuvendit të Kosovës tanimë kanë vendosur për inicimin e një komisionit për nismën legjislative lidhur me ndryshimin e ligjit për festat zyrtare në Republikën e Kosovës, ligj ky i cili është kritikuar shumë herë për shkak të numrit të madh të festave.

Një inicim i tillë do të bëhet nesër në Komisionin për të Drejtat, Interesat e Komuniteteve dhe për Kthim, anëtarët e së cilit do ta shqyrtojnë edhe projektligjin për performancën energjetike në ndërtesa, me amendamentet e Komisionit funksional për Bujqësi, Pylltari, Mjedis dhe Planifikim Hapësinor.