Uragani Ian arriti në tokë, duke u bërë një nga stuhitë më të forta që ka goditur ShBA-në ndër vite. Stuhia shkaktoi ndërprerje të energjisë dhe përmbytje të shpejta, por filloi të dobësohej teksa lëvizte në brendësi të vendit.

Duke lënë pjesën më të madhe të Kubës pa energji elektrike, uragani Ian zbarkoi në Florida, duke shkaktuar dëme të rënda. Shpejtësia e erës ishte mbi 225 kilometra në orë, në disa vende.

Uragani Ian ishte një nga stuhitë më të fuqishme që goditi SHBA-në në vite. Teksa iu afrua Floridës jugperëndimore, Administrata Kombëtare Oqeanike dhe Atmosferike lëshoi ​​një imazh satelitor të asaj që në atë kohë ishte një uragan i Kategorisë 4 në shkallën Saffir-Simpson me pesë faza.

Në Pembroke Pines, një tornado u shfaq në skajet e stuhisë teksa u afrua, duke dëmtuar disa ndërtesa dhe duke prekur gjithashtu aeroportin North Perry.