Kandidati për deputet në Kuvendin e Kosovës nga radhët e AAK-së, Ahmet Isufi, ka folur rreth ftesës së Albin Kurtit që t`i bashkohen Vetëvendosjes, dhe së bashku ta krijojnë Qeverinë e ardhshme.

Ai është përgjigjur shkurt rreth kësaj kërkese të Kurtit.

“Ne jemi duke i pritur rezultatet, dhe temat tjera do ti diskutojmë pas rezultateve”, tha Ahmeti për Gazetën Blic.

Kandidati për kryeministër nga Vetëvendosje, Albin Kurti, gjatë ditës së sotme i ka ftuar “të gjithë ata që janë kundër bashkimit të Klanit Pronto”, t`i bashkohen VV-së.

“Në këto kushte politike deklarojmë që jemi të gatshëm t’i ndërmarrim hapat për ndërtimin e një qeverie të drejtuar nga Lëvizja Vetëvendosje. LDK AKR Alternativa, si dhe deputetët PDK, AAK NISMA QË JANË kundër bashkimit të Klanit Pronto të na bashkohen në tryezë për të biseduar për ndërtimin e një plani për krijimin e qeverisë së re nga Lëvizja Vetëvendosje”, tha Kurti.

Kujtojmë që sipas rezultateve të Komisionit zgjedhor, koalicioni PAN është i pari, më pas Vetëvendosja e dyta, dhe koalicioni LDK-AKR-Alternativa e treta.