Berisha komenton deklaratat e Merkelit

Prishtinë | 14 Gus 2018 | 12:36 | Nga

Ish Kryeministri Sali Berisha ka komentuar deklaratat e kancelares Angela Merkel, e cila bëri të qartë dje se nuk do të ketë ndryshim kufijsh në Ballkanin Perëndimor.

Në një postim në Facebook, Berisha thaq se qëndrimi i Merkel është për t’u përshendetur dhe është një përgjigje e merituar ndaj përpjekjeve të Beogradit dhe argatëve në Prishtinë, sic tha ai, për krijimin e Serbisë së Madhe.

Të dashur miq, dje Kancelarja e Gjermanisë, Angjela Merkel, në konferencë shtypi në Berlin me Kryeministrin e Bosnje-Hercegovinës, deklaroi qëndrimin e saj të qartë kundër përpjekjeve për ndryshimin e kufijve në Ballkan.

“Ky qëndrim i Kancelares, është për t’u përshëndetur si një kontribut real për paqen dhe stabiliten në rajon. Kjo është përgjigja e merituar ndaj përpjekjeve të Beogradit dhe argatëve të tij në Prishtinë për krijimin e Serbisë së Madhe dhe për copëtimin e ri të Kosovës, ndarjen e saj, zhbërjen e fitores së luftës së shqiptarëve të Kosovës dhe NATO-s kundër Serbisë së Millosheviçit, dhunimit të të gjitha akteve ndërkombëtare për integritetin territorial të Kosovës, dhunimin e rezolutave të Asamblesë së Përgjithshme të OKB dhe Këshillit të Sigurimit, dhe dokumentit Ahtisari”.

“Kjo përpjekje është një zhbërje e vendimit të Gjykatës Ndërkombëtare për Kosovën dhe vetë Aktit të Pavarësisë së Kosovës, 116 njohjeve të saj në kufijtë aktualë”.

“Por, me këtë qëndrim Gjermania, gjithashtu kundërshton hapjen, nga serbomëdhenjtë e Beogradit dhe argatët e tyre albanofobë në Prishtinë, të kutisë së Pandorës dhe privokimin e një zinxhiri të ri konfliktesh në Ballkan, ka shkruar Berisha.

Fjalë Kryesore:

Të ngjashme