Ministri i Arsimit, Shkencës dhe Teknologjisë, Shyqiri Bytyqi, ua ka uruar qytetarëve të Kosovës votimin e Parlamentit Evropian pro liberalizimit të vizave për Kosovën.
Bytyqi, përmes një postimi në rrjetin social “Facebook”, ka theksuar se ky votim e afron Kosovën edhe një hap drejt mundësisë për lëvizje të lirë.
Postimi i plotë i ministrit Bytyqi:
Parlamenti Evropian, me votimin pro liberalizimit të vizave, e afron Kosovën edhe për një hap drejt mundësisë për lëvizje të lirë, gjë e cila mbi të gjitha do të hapë rrugë të reja drejt integrimit të arsimit dhe për rezultat edhe ngritjes së cilësisë në arsim dhe zhvillimit ekonomik, që është synim i yni.
Urime për të gjithë qytetarët e Kosovës, e mbi të gjitha për të rinjtë tanë, të cilëve do t’iu hapen mundësi të shumta për t’u arsimuar dhe për të njohur kultura të tjera në vende të ndryshme!