Deputetët morën mbi 300 mijë euro pa shkuar në Kuvend

Prishtinë | 28 Kor 2017 | 11:14 | Nga

Ka më shumë se dy muaj që deputetët e Kosovës nuk janë ulur në ulëset e Kuvendit, por ata vazhdojnë që të marrin pagat e tyre.

Sekretari i Kuvendit, Ismet Krasniqi për Gazetën Fjala ka thënë se gjatë muajit maj dhe qershor, deputetët kanë marrë paga në vlerë prej 330 mijë e 757 euro.

“Për muajin maj 2017 janë paguar ne total 169 632 euro, ndërsa për muajin qershor 2017 janë paguar ne total 161 125 euro”, ka thënë Krasniqi.

Por, këto paga pritet që ti marrin deputetët edhe në për muajin korrik, edhe pse as këtë muaj ata nuk do të mbajnë ndonjë seancë.

Sekretari Krasniqi thotë se kjo çështje është e rregulluar me “Shtojcën nr.4”, që është pjesë e Rregullores së punës, rregulli 2.

“E drejta e kompensimit material në të ardhura mujore. 2.2 Deputetit, pas përfundimit të rregullt të mandatit, i takojnë të ardhurat mujore për periudhën prej dymbëdhjetë (12) muajve, të përcaktuara me rregullën 2.1, po qe se gjatë kësaj kohë nuk kthehet në vendin e punës, të cilin e ka pasur para zgjedhjes deputet, ose në vend tjetër të përshtatshëm për të”.

Fjalë Kryesore:

Të ngjashme