Eichhorst takohet me përfaqësues të VV-së e LDK-së

Prishtinë | 14 Sht 2017 | 15:00 | Nga Albulena Avdiu Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Angelina Eichhorst, Zëvendësdrejtoreshë Menaxhuese për Evropë dhe Azinë Qendrore dhe Drejtoreshë për Evropën Perëndimore, Ballkanin Perëndimor dhe Turqinë në Shërbimin e Jashtëm Evropian ka pritur në takime të ndarë përfaqësues të Lëvizjes Vetëvendosje (VV) dhe të Lidhjes Demokratike të Kosovës (LDK).

Eichhorst në zyrën e Bashkimit Evropian në Prishtinë fillimisht është takuar me përfaqësuesit e VV-së. Në takim përveç kryetarit Visar Ymeri kanë marrë pjesë edhe deputetët Aida Derguti e Glauk Konjufca, raporton Ekonomia Online.

Në takim zyrtaren e BE-së, nga LKD-ja ishte prezent Avdullah Hoti. Sipas komunikatës së dërguar nga LDK në takim u bisedua për zhvillimet pas themelimit të institucioneve të reja të dala nga zgjedhjet e fundit.

Hoti e falënderoi Eichhorst për bashkëpunimin në tri vitet e fundit në avancimin e integrimit të Kosovës drejt BE-së.

Hoti e siguroi Eichhorst se LDK-ja do të luajë rol kyç në proceset e integrimit evropian të Kosovës.

Ai theksoi se si parti opozitare, LDK-ja do të kujdeset që të mos lejojë që Kosova të devijojë nga agjenda eurointegruese e Kosovës.

Eichhorst ka zhvilluar takime gjatë ditës edhe me kreun e Kuvendit Kadri Veselin dhe kryeministrin Ramush Haradinaj.

Të ngjashme