Greiçevci i kundërpërgjigjet ambasadës ruse në Kanada për “Kosova është Serbi”

Prishtinë | 07 Dhj 2017 | 08:30 | Nga Ekonomia Online

Vizita e Presidentit të Kosovës, Hashim Thaçi në Kanada ditë më parë dhe ato që tha në Otavë, nuk janë mirëpritur nga Ambasada e Rusisë në këtë vend.

“Pas vizitës së fundit të Thaçit në Otavë dhe komenteve të tij anti-ruse para mediave kanadeze duam të shfrytëzojmë rastin t’ia kujtojmë secilit që Kosova është Serbi”, ka shkruar në faqen zyrtare të ambasadës ruse në Twitter.

Kjo ka nxitur reagimin e ambasadorit të Kosovës në Britani të Madhe, Lirim Greiçevci i cili është kundërpërgjigjur në të njëjtën formë.

“Duam të shfrytëzojmë rastin t’ia kujtojmë secilit që Kosova është e pavarur dhe se Krimea është Ukrainë”, ka shkruar Greiçevci në llogarinë e tij.

Fjalë Kryesore:

Të ngjashme