Haradinaj: Agjenda evropiane është interes strategjik i yni

Prishtinë | 11 Qer 2018 | 10:30 | Nga Valbona Bytyqi Shkarko Videon HD

Për ta shkarkuar videon ju lutem kyçuni ose regjistroni një llogari të re!

| Regjistrohu

Kryeministri Ramush Haradinaj në mbledhjen e Këshillit Ministror për Integrim Evropian ka kërkuar nga vartësitë e tij që t’i trajtojnë me prioritet rekomandimet e dala nga Raporti i i vendit në raport me zbatimin e Agjendës për Reforma Evropiane.

Ai tha se ndonëse nuk është e lidhur drejtpërdrejt, kjo agjendë ndikon edhe në liberalizimin e vizave.

“Tema e takimit është zbatimi i agjendës së reformave evropiane dhe jemi në prag të vendimeve të rëndësishme siç është lëvizja e lirë. Implementimi i shpejtë dhe efikas i obligimeve që dalin nga kontrata  jonë. Të trajtohen me prioritet të shtuar të gjitha rekomandimet e dala nga raporti i vendit”.

“Agjenda evropiane është interes strategjik i yni, është qëllim në vete si i tillë, por ndërlidhet edhe me liberalizimin e vizave dhe e rritë presionin mbi qeverinë që të fokusohemi në zbatim”, shtoi Haradinaj.

Ndërsa ministrja e Integrimit Evropian, Dhurata Hoxha, tha se duke pasë parasysh që ka kaluar pjesa e parë e vitit, duhet të fokusohen në përmbushjen e obligimeve të dala nga ERA, raporton Ekonomia Online.

“Është koha e fundit që të fokusohemi në përmbushjen e obligimeve që dalin nga ERA. Është me të vërtetë qershori është shumë e rëndësishme që obligimet që kemi marrë përsipër, jo vetëm nga ERA, të tregojmë  që kemi vullnetin dhe përkushtimin në rezultatet që çojnë përpara në procesin integrues”.

 

Të ngjashme