Kryeministri, Ramush Haradinaj ka marrë vendim që festa kombëtare e flamurit, 28 nëntori të shpallet ditë pushimi.

“Duke u bazuar në Ligjin për festat zyrtare, kam vendosur që 28 nëntorin – si Dita e Shqiptarëve – ta shpalli ditë pushimi në territorin e Republikës së Kosovës, për t’i respektuar vlerat e trungut etnik shqiptar si dhe traditat e mira familjare e shoqërore”, ka thënë Haradinaj.

“Vendimi, që 28 Nëntori të jetë ditë pushimi, është i motivuar nga aspekti historik, tradicional dhe politik”, ka shtuar ai.