LDK dhe AKR nënshkruajnë koalicionin në pallatin e Pacollit?

Prishtinë | 16 Maj 2017 | 18:50 | Nga

LDK-ja e Isa Mustafës dhe AKR-ja e Behgjet Pacollit sonte do të nënshkruajnë koalicion parazgjedhor për zgjedhjet e 11 qershorit.

Lajmi.net merr vesh se koalicioni do të nënshkruhet në shtëpinë e Pacollit në Hajvali.

LDK-ja sot ka nënshkruar koalicion me Lëvizjen për Drejtësi dhe Alternativën e Mimoza Kusarit dhe Ilir Dedës.

Nga ana tjetër, zyrtarë të LDK’së i kanë thënë Gazetës Express se partia me Avdullah Hotin kandidat për Kryeministër ende nuk është dakorduar për koalicion parazgjedhor me AKR’në e Behgjet Pacolllit.

Të njëjtit, kanë konfirmuar se bisedimet për një marrëveshje të tillë janë duke u vazhduar, pasur parasysh se afati për deklarimin e koalicioneve në KQZ përfundon në mesnatë.

Ndërkaq, Lidhja Demokratike e Kosovës e ka zyrtarizuar para pak çastesh edhe koalicionin parazgjedhor me Alternativën.

Vendi më 11 qershor shkon në zgjedhje të jashtëzakonshme, pasi Qeveria u rrëzua përmes një mocioni të inicuar nga Nisma.

 

Fjalë Kryesore:

Të ngjashme