Shefi i grupit parlamentar të LDK-së, Avdullah Hoti, ka bërë të ditur se nuk do të marrin pjesë në asnjë nga seancat e rregullta të kuvendit, derisa të mbahet seanca e jashtëzakonshme e thirrur nga opozita.
Ai këtë deklaratë e ka bërë pas largimit nga salla e Kuvendit, raporton Ekonomia Online.
“Sot është ftu një seancë e rregullt, ndërsa në të njëjtën kohë një seancë e jashtëzakonshme nuk po thirret. Nuk është në rregull kjo sjellje arbitrare e Kuvendit të Kosovës për me blloku seancën e opozitës”.
“Ka punë shumë të rëndësishme, shumë kapitale përpara se t’i kthehet agjendës normale që është rezoluta që ne e kemi propozuar si opozitë, të cilët e kanë përkrah edhe grupet e tjera parlamentare të koalicionit”.
“Ne nuk do të marrim pjesë në seancat e kuvendit, përderisa nuk kryhet seanca e jashtëzakonshme e kërkuar nga ne. Ne jemi munduar që t’i koordinojmë veprimet edhe me ta, këto që bëmë është veprim i grupit tonë parlamentar. Unë e pashë dhe LVV e ka marrë të njëjtin qëndrim, ta shohim se si do të votojë PSD”.