Komisioni Qendror i Zgjedhjeve (KQZ) ka njoftuar se për zgjedhjet komunale të 22 tetorit kanë aplikuar të garojnë 91 subjekte politike, nga të cilat 35 parti politike.

Zëdhënësi i KQZ-së, Valmir Elezi, në një konferencë për medie, pas mesnatës, kur është mbyllur zyrtarisht afati për aplikim, tregoi se për certifikim për të garuar për kryetar komunash ose për asamblistë për kuvendet komunale kanë aplikuar 35 parti politike, 1 koalicion, 25 kandidatë të pavarur dhe 30 iniciativa qytetare.