Shtėpia e Bardhė refuzoi dhuratat nga Shqipėria

Shtėpia e Bardhė refuzoi dhuratat nga Shqipėria
nga Ekonomia Online
Tiranė | 01 Shtator 2013 | 10:49

Zyrtarët e lartë të Shtëpisë së Bardhë morën për vitin 2012 me qindra dhurata, në vlera të ndryshme, nga përfaqësues të qeverive të huaja, përfshirë edhe Shqipërinë, por shumica prej tyre u refuzuan.

Listën me dhuratatat e refuzuara e bëri publik dje vetë Departamenti i Shtetit, i cili, sipas ligjit amerikan, publikoi zyrtarin të cilit i ishte adresuar dhurata, dhuruesin dhe vlerën e dhuratës.

Në krye të listës është presidenti Obama, pasuar nga ish-sekretarja Clinton, deri te kongresmenë dhe drejtues të agjencive qeveritare.

Zyrtarët nga Shqipëria, presidenti Nishani, kryeministri Berisha, kryebashkiaku Basha apo gjeneral Xhemal Gjunkshi, shef i shtabit të Forcave të Armatosura bënë dhurata për ish-sekretaren e shtetit Clinton apo gjeneralin amerikan Dempsey.

Gjatë vitit 2012, Shqipëria u vizitua nga Sekretarja Amerikane e Shtetit, Hillary Clinton, e cila mori dhurata nga liderë të shtetit shqiptar. Clinton, gjatë vizitës së saj në tetor, mori dhuratë nga presidenti i Republikës, Bujar Nishani dhe kryeministri Sali Berisha.

Presidenti i dhuroi Clintonit një stoli të punuar me filigran ari, që kap një vlerë prej 450 dollarësh. Ndërsa, kryeministri Sali Berisha i ka dhuruar Sekretares Amerikane, një kuti agjenti, me vlerë 400 dollarë. Dhuratë nuk mori vetëm Clinton, pasi kreu i Bashkisë së Tiranës, Lulzim Basha, vendosi t’i bëjë dhuratë zëdhënëses së Clintonit, Victoria Nuland. Bëhet fjalë për një gjerdan me perlë që ka një vlerë prej 390 dollarë.

Në listën e dhuratave nga Shqipëria për zyrtarët amerikanë bën pjesë dhe një dhuratë për gjeneralin e ushtrisë amerikane, Martin Dempsey, dhuratë të cilën e ka marrë nga gjenerali, Xhemal Gjunkshi.

Ajo është një shpatë me vlerë 460 dollarësh. Të gjithë këto dhurata bujare të zyrtarëve shqiptarë për zyrtarët amerikanë nuk janë pranuar. Kjo pasi ato janë cilësuar të papranueshme nga Shërbimi i Administratës, për shkak se vënë në vështirësi qeverinë amerikane.

Dhuratat për Presidentin Obama

  • Një libër origjinal me punime arti dhe fotografi nga artisti Marlena Ferrari nga ish-kryeministri i Italisë, Silvio Berluskoni (me vlerë 124 000 dollarë plus dhurata të tjera)
  • Orë me skelet floriri nga Arabia Saudite (16,500 $)
  • Vazo kristali për tryezë nga Irlanda dhe një statujë e Shtëpisë së Madhe prej bronzi nga arkitekti James çoban (7,246 $)
  • Shpatë 105 cm të gjatë nga Mongolia (440 $)
  • Filxhan Krishtlindjesh, kafe dhe thikë bifteku nga Burnei (594 $ përfshirë dhe dhurata të tjera)
  • Top basketbolli me autograf të Presidentit kinez, Xi Jinping (740 $ përfshirë dhe dhurata të tjera)
  • Një portret argjendi të një fushe kafeje nga Kolumbia (942 $ përfshirë dhe dhurata të tjera)
  • Portofol lëkure dhe çantë e vogël nga Franca (1,473 $ përfshirë dhe dhuratat tjera)
  • Vazo porcelani e dekoruar me imazhin e Shtëpisë së Bardhë dhe Kremlinit nga Rusa (3,460 $ përfshirë dhurata të tjerë)
  • Sënduk për pijë dhe një shishe Coca-Cola e dekoruar me rruaza nga Meksika(2,788 $ përfshirë dhe dhurata të tjera)

Dhurata për ish-Sekretaren e Shtetit, Hillary Clinton

  • Gjerdan, byzylyk, vëthë dhe unazë rubini me diamant nga Arabia Saudite (500,000 $)
  • Gjerdan floriri me gur safiri dhe diamant nga Brunei (58,000 $)
  • Verë dhe filxhanë argjendi nga Algjeria (3,773 $ përfshirë dhe dhurata të tjera)
  • Atlete vrapi nga Afganistani (2,200 $)
  • Dy skulptura prej bonzi nga Singapori (540 $)
  • Gjerdan dhe stilolaps ari bashkë me një kalë dhe një figurinë njeriu nga Kazakistani (1,500 $)
  • Haviar dhe tapet prej leshi nga Azerbajxhani (420 $ përfshirë dhe dhurata të tjera)
  • Konjak nga Presidenti i Rusisë, Vladimir Putin (560 $)

Dhuratat për zv.presidentin Joe Biden

  • Thikë argjendi dhe stikadent nga Mongolia (940 $ përfshirë dhe dhurata të tjera)
  • Kuti cigaresh prej lëkure nga Meksika (390 $ përfshirë dhe dhurata të tjera)
  • Një bust femre nga Liberia (540 $ përfshirë dhurata të tjera)
  • Dhurata për ish-kreun e CIA-s, David Petraeus
  • Orë Rolex (6,500 $), orë e bardhë Fendi (1,000 $), orë argjendi Valentino (500 $)
  • Katër qilim mëndafshi (14,900 $)
  • Model me katër anije me vela (3,500 $) dhe model me dy anije me vlera (1,500 $)
  • Shpatë (2,500 $) dhe kamë (1,500 $)
  • Shall kashmiri (395 $)
  • Shishe vere e 2001-s (1,700 $)

Liderët huaj

Liderë të huaj u kanë dhënë dhurata bujare zyrtarëve amerikanë vitin e kaluar, përfshirë mbretin e Arabisë Sauditë që i ka dhuruar ish-sekretares Hillary Clinton një diamant dhe rubin me vlerë 0.5 milionë dollarë.

Dhurata e mbretit Abdullah bin Abdul Aziz për Clintonin – që përfshinë një varëse qafe, byzylyk, vëthë dhe unazë – është dhurata më e shtrenjtë që u është dhuruar zyrtarëve amerikanë gjatë vitit 2012.

Përveç këtyre bizhuterive nga Arabia Saudite, Clinton gjithashtu ka marrë dhuratë një shishe verë nga Algjeria, dy skulptura bronzi nga Singapori, një byzylyk, gjerdan, dhe vëthë nga Kazakistani, havjar dhe qilim prej leshi nga Azerbajxhani, konjak nga Rusia dhe stoli argjendi, safir dhe diamante me vlerë 58 mijë dollarë nga Burnei.

Lista e dhuratave që kanë marrë zyrtarët është bërë publike nga Departamenti i Shtetit dhe dhënia e dhuratave është një traditë e gjatë e diplomacisë ndërkombëtare, ku të pasurit dhe të fuqishmit tregojnë vlerësimin për tjetrin duke shkëmbyer punime artistike të bizhuterive, pajisje elektronike apo dhurata të tjera, transmeton Shekulli.

Komentet

Komente (0) | Kthehu

Shkruaj koment

Shpėrndaje