Isco ka paralajmëruar se shumë shpejtë do të vazhdojë kontratën me Real Madridin
Mesfushori i Real Madridit, Isco ka një lajm të mirë për tifozët. Ai ka paralajmëruar se shumë shpejtë do të vazhdojë kontratën me Los Blancos.

“Unë jam shumë afër vazhdimit të kontratës me Real Madridin dhe do të bëhet së shpejti”, ka deklaruar Isco pas fitores së Real Madridit në Superkupën e Evropës.

Isco ka kontratë me Real Madridin deri në verën e vitit 2018, derisa kishte zgjuar interesimin e skuadrave si: Barcelona, Chelsea, Juventus e Manchester United.