Neymar tregon se Barcelona i kishte borxh bonusin

Prishtinë | 23 Gus 2017 | 10:22 | Nga

Superylli i PSG-së, Neymar, ka konfirmuar se do t’i përgjigjet padisë së Barcelonës me luftë në gjykatë.

Lojtari brazilian ka deklaruar me anë të një komunikate zyrtare se është në dijeni për padinë e Barcelonës dhe se do të luftojë ndaj saj në gjyq.

Sipas këtij komunikimi zyrtar nga përfaqësuesit e Neymarit, ai pretendon se Barcelona ia kishte borxh bonusin e besnikërisë.

“Ne informojmë të gjithë se Neymar dhe avokatët e tij janë në dijeni për padinë dhe veprimet ligjore të Barcelonës në gjykatën e Barcelonës”.

“Pas njoftimit zyrtar dhe shqyrtimit të kësaj padie nga klubi, dosjet e mbrojtjes zyrtare do të dorëzohen shumë shpejt”.

“Sa i përket bonuseve që Barcelona i kishte borxh për t’i ekzekutuar në bazë të kontratës së vitit 2016, është e nevojshme të informojmë se lojtari tashmë ka iniciuar procedurën formale në gjykatën kompetente”, shkruan në komunikatën e Neymarit.

Ditë më parë Barcelonaa konfirmoi padinë për bonusin e besnikërisë që Neymar e pranoi pas rinovimit të kontratës. Në këtë luftë tashmë kanë hyrë edhe PSG dhe vet lojtari.

Fjalë Kryesore:

Të ngjashme