Një milion euro fitojnë klubet shqiptare për pjesëmarrjen në garat evropiane

Prishtinë | 19 Qer 2017 | 19:24 | Nga

Janë 1 milion e 225 mijë euro të ardhura të sigurta për katër klubet shqiptare, edhe në rast se dështojnë në turet e para të Kupave së Evropës.

UEFA ka shtuar të ardhurat për klubet që marrin pjesë në kompeticionet e saj (Liga e Kampioneve dhe Liga e Evropës).

Për momentin, Kukësi ka 580 mijë euro të sigurta, pasi 320 mijë i merr si pjesëmarrës në turin e dytë paraeliminator të Champions-it dhe 260 të tjera si kampione e Shqipërisë, raporton sportali.net.

Sipas rregullores së UEFA, shpërblimi për ekipin kampion nuk jepet vetëm në rast se Kukësi arrin të kalojë deri në fazën e grupeve të Champions-it, që do të ishte një rekord historik.

Ndërkohë, Partizani, Tirana dhe Skënderbeu marrin nga 215 mijë euro vetëm për faktin që marrin pjesë në turin e parë paraeliminator të Ligës së Evropës. Kujtojmë se edicionin e kaluar Shqipëria humbi 260 mijë eurot për klubin kampion (për shkak të pezullimit të Skënderbeut) dhe po ashtu u paraqit me tri ekipe në Europë.

Kjo pa dyshim që penalizoi futbollin tonë jo vetëm financiarisht, por edhe sa i përket imazhit në Evropë. Kukësi 320 mijë euro për pjesëmarrjen në turin e dytë të Championsit dhe 260 si kampione. Raundi i parë i Evropa Ligës Skënderbeu, Partizani dhe Tirana do të përfitojnë secili nga 215 mijë euro.

Fjalë Kryesore:

Të ngjashme