Andrea Pirlo mund të rikthehet të gjiganti italian apo ta marrë një rol në kombëtaren italiane.

Mesfushori legjendar njoftoi dje zyrtarisht se është pensionuar nga futbolli, pasi luajti ndeshjen e fundit për New York City FC të dielën mbrëma.

Sipas La Repubblica, Pirlo tash do të ketë një periudhë pushimi.

Por, sipas kësaj gazete, Pirlo ka një ofertë në tavolinë nga skuadra e Juventusit, e cila e do atë si ambasador.

Po ashtu, Federata e Futbollit e Italisë i ka ofruar Pirlos mundësinë ta shoqërojë kombëtaren italiane në Kupën e Botës, nëse kjo e fundit e mposht Suedinë në Play-Off.