Duket se Chelsea tashmë i ka thënë lamtumirë Antonio Contes dhe do ta emërojë zëvendësuesin e tij shumë shpejt.

E përditshmja britanike “The Guardian” raporton se Chelsea do ta emërojë Maurizio Sarrin në rolin e trajnerit më 9 korrik, transmeton gazeta Express.

Klubi londinez ka vendosur që ta emërojë ish-trajnerin e Napolit në krye të skuadrës para se lojtarët të rikthehen për stërvitjet parasezonale më 9 korrik.

Raportohet se Antonio Conte e ka përpiluar një plan parasezonal për të kaltrit në rast se mbetet në krye të skuadrës, por klubi shpreson se situata rreth trajnerit të sqarohet para se lojtarët e tij pjesëmarrës në Kupën e Botës në Rusi të rikthen.